Word of mouth logo

صناعة المحتوى التسويقي

177 Comments / Content Marketing - تسويق المحتوى / By

أهمية تعلم صناعة المحتوى التسويقي

 عدد الناس اللي بتشتغل في صناعة المحتوى التسويقي في مصر علي حسب موقع لينكد إن كان .15133

السؤال بقي : يعني ايه صناعة المحتوى التسويقي ؟

بداية ظهور مصطلح “التسويق بالمحتوى” كانت في 1996 من جون ابيدال.

في سنة 2014 نشرت مجلة فوربس عن سبع طرق مفضلة للشركات في التسويق من ضمنهم التسويق بالمحتوى.

في عام 2013 ارتفع استخدام التسويق بالمحتوى في الشركات بنسبة من 60% إلى 93%.

ازاي تكتب محتوي دائم مش وقتي ويستمر في التسويق لنفسه بدون اي جهد إضافي مبذول من اتجاهك؟ , مبدئيًا المحتوى يمثل أكثر من 90% من يومنا.

المحتوى هو عبارة عن كل حاجة موجودة في حياتنا اليومية , كل منتج متواجد حواليك بدايته محتوى , وصف اي حاجه بيكون عبارة عن محتوى ,اعلان بتشوفه في التلفزيون بدايته Script مكتوب على ورق يعني بدايته محتوى , اعلان في الشارع متمثل في صورة ظاهرة قدامك بدأت بمحتوى موصوف انتهت بصورة , وطبعًا الاغنية محتوى والفيلم والمسلسل اكيد محتوى, المجلات ,المقالات ,والكتب وغيرها من مظاهر مختلفة تظهر أهمية صناعة المحتوى التسويقي.

يعني محدش فينا يقدر ينسى مسرحية “العيال كبرت أو مدرسة المشاغبين ” رغم ان المحتوي الخاص بالمسرحية قديم الا انه حتي الان يتم تسويقه بين الأشخاص بشكل تلقائي ومستمر ، وهنا نقدر نقول ان المحتوي الجيد لا يموت ويستمر في تسويق نفسه وده الاساس في كتابة المحتوى عشان تقدر على كتابة محتوى تسويقي لازم تفهم معناه.

أقرا ايضا: المحتوى التفاعلي علي وسائل التواصل الاجتماعي

“Traditional marketing and advertising is telling the world you’re a rock star.

Content Marketing is showing the world that you are one”.

Robert Rose

“التسويق التقليدي و الاعلانات تقول للعالم انك نجم صاعد لكن التسويق بالمحتوي هو اللي بيثبت ده” 

ده من أفضل التعريفات التي تم ذكرها عن صناعة المحتوى التسويقي.

عشان تبني استراتيجية التسويق بالمحتوى لازم تجاوب في البداية عن الاسئلة دي :

  • ازاى هتعرف توصل للناس الخدمة او المنتج وتبسطه ليهم وتقوم بتسويق ذلك ؟
  • كيف تجعل الناس تهتم بالخدمة أو المنتج المقدم من شركتك ؟
  • ازاي الناس تلاحظ انك مختلف ؟
  • ازاي الناس هتكون راضية عن اللي بتقدمه لهم ؟

لو عرفت تجاوب علي الاسئلة دي هتعرف تحط استراتيجية تسويق بالمحتوى مرنة ومناسبة للمشروع .
لو معرفتش تجاوب علي كل سؤال منهم بطريقة مناسبة وواضحة اعرف ان في مشكلة في استراتيجية التسويق بالمحتوى بتاعتك ولازم تعالج المشكلة دي وعلاجها بالإجابة المناسبة على الاسئلة .

فالسؤال هو بداية الحل .

177 thoughts on “صناعة المحتوى التسويقي”

Leave a Comment

Your email address will not be published. Required fields are marked *

©2024. Word of mouth. All Rights Reserved.